Baron von Lichtenstein........

Fríið búið og skólinn aftur kominn í gang, var búinn að vera nokkuð duglegur í lærdómnum í fríi og á fimmtudagskvöld var tekinn skyndiákvörðun að pikka hann Ými upp í Austuríki. Leigðum semsagt bíl á föstudagsmorgunn og ákum til austurríkis, Lustenau réttara sagt, vorum þar í umþaðbil hálftíma eða svo, einn austurrískur snafs og kaffibolli frá yfirmanni Ýmis, fínt stopp það. Fórum síðan frá austuríkis til Lichtenstein, kannski ekki hægt að segja það sé mikið hægt að gera í þar enda ekki nema um 35 þúsmann sem búa þar. Röltum allavega bæinn og fengum okkur bjór í sólinni en um 20 stiga hiti og fínerí þar. Mættum aftur til Lugano um kvöldið og snæddum einsog eina slæsu eða svo. Var þá ákvörðun tekin að bruna gegnum ítalíu til Frakklands daginn eftir og taka stopp í Monaco. Keyrðum semsagt til Nice, borið fram Nís en ekki Næs, og tók það okkur um 4 tíma eða svo. Verð nú að segja mér fannst alveg hrikalega fínt að sjá sjóinn og vera í sólinni og sjá fólk á spídó í sjónum, tek samt fram það var alltof kalt til að vera þannig en sona eru þessir frakkar víst. Við röltum bara um Nice um daginn og skoðum okkur um, vissum ekki alveg hvar við ætluðum að eta en vorum búin að heyra að þarna væri mjög góður fiskur. Fengum bendingu að cafe del Turin væri nú sá staður sem Frakkarnir sjálfir fara á, ekki mikill túristastaður.  Við tökum þessari bendingu bara feginni hendi, komum á staðinn og fiskurinn sem fólkið var nú að eta var nú með þeim ferksari í bransanum. Við pöntuðum okkur 2 tegundir af sona mix platter eitthvað, annar eldaður og hinn hrár. Það komu semsagt 4 risaföt til okkar með ostrum, krækling, nokkrar tegundir snigla, rækjur, hörpudiskur og ígulker. Ég var nú bara að segja maður þarf að vera með þokkalegar cahones til að geta etið þetta allt hrátt, ígulkerið sem dæmi var ekkert annað en hreinn viðbjóður, myndi frekar blanda hráu eggi við sjó. ég get nú ekki sagt að þetta hafi verið besti matur sem ég smakkaði en stemningin og upplifinunin við að eta þetta var helvíti góð. Á sunnudeginum var svo brunað beint til Monaco og borgin skoðuð, verð nú bara að segja að þetta land er soldið flott, endalaust af einhverjum fáránlegum skútum sem maður fattar ekki hvernig fólk á einu sinni. Bílarnir síðan náttúrulega bara ferrari og með því á götunum. Erum núna að velta fyrir okkur að mæta þarna kannski aftur í Maí og smella okkur á formúluna þarna, verður örugglega algjör geðveiki.

Tókum semsagt 6 lönd á þessum litla helgarferðalagi okkar, held að frá áramótum hefur maður stigið fæti á nokkuð mörgum löndum, Ísland, Danmörk, Sviss, Ítalía, Malta, Póland, Austurríki, Lichtenstein, Frakkland, Monaco eða 10 lönd á 3 mánuðum og allt í menningarlegum tilgangi, ekki slæmt það.

 

þangað til næst.........ekki hanga heima........miklu skemmtilegar að fara út og leika........

Athugasemdir

[saebo (IP-tala skráð) 31.3.2008 kl. 17:02]

og til frekari framburðarfróleiks til viðbótar við Nís. Þá bera margir Frakkar Monaco fram sem Monac, sleppa s.s. Oinu í lokin. Merkilegt nokk.

 Já og iss piss 10 lönd er ekki neitt ég er nú búinn að keyra til Árnes-, Rangárvalla-, Gullbringu- og Kjósasýslu á þessum 3 mánuðum. Já og svo keyrði ég meira segja til Keflavíkur einu sinni.