Sviss er soldið skondið...

1.12.2008 | 12:30

Sviss er soldið skondið land.......

Já Sviss er soldið skondið, fjármálin hér mjög áhugaverð, las í mogganum að Sviss væri ekki í Evrópusambandinu þar sem þeir væru svo umhugað um sjálfstæði sitt, einsog íslendingum. Ég sé nú ekki þetta komi sjálfstæði landsins þannig beint, einhver ástæða er fyrir flestu, við erum með fiskinn, þeir eru með bankaleynd og það er í raun hún sem færir allt þetta fjármagn inní landið. Enda eru fjármunir í þessu landi alveg fáránlegir, þó svo UBS hafi þurft að fá 8000 milljarða þá eru sjóðir landsins gríðarlegir.

Annað nokkuð skondið við Sviss að þeir hafa semsagt formlega leyft heróín í landinu, án gríns. Við heyrðum semsagt þegar við komum að dópistar nokkrir sitja á einum bekk í garði hér, þeir eru ósköp rólegir og hafa það nokkuð gott þar sem ríkið sér um að fleyta neyslu þeirra. Þetta hafa þeir gert til að komast betur í samband við neytendur til þess að geta smásaman læknað þá af þeirri fíkn. Einnig sem þetta hefur í för með sér að ef dópistinn fær dópið frá ríkinu þarf hann ekki alltaf að skora meiri pening fyrir dópi, þetta leiðir af sér minni glæpa í samfélaginu einnig. Tek það samt fram að það eru eingöngu nokkrir staðir í landinu sem þú getur nálgað heróín og ég held það sé erfiðara en maður heldur, þannig þó svo þetta sé löglegt þá er ástæaða fyrir því. En já það var semsagt kosið í landinu í gær að heróin skuli nú vera leyft en þeir ákváðu að banna kannabis, kannabis var reyndar leyft hér í Ticino fyrir nokkrum árum síðan. Það sem mér finnst soldið flott með þessa Svisslendinga er að þeir kjósa um allt, þá meina á bara held ég allt, það er þannig menning í landinu að allir fara og kjósa. Finnst að þetta sé soldið skemmtilegt og lýðræðislegt, fólkið í landinu ákveður hlutina, ekki allt ákveðið af einum hægri flokk eða vinstri, getur farið vinstri í einum hlut og hægri í hinum.

í Sviss er snjór, það er mikill snjór, það er mjög gaman.

þangað til næst...........óska ég landanum til hamingju með 90 ára fullveldi.......

Flokkur: Bloggar | Facebook